السلام عليكم ورحمة الله تعالى وبركاته
ملاحظة
هذ المقروط يجي مرمل و ما يتفتتش اثناء القلي
المقادير : -3 اعبار سميد متوسط الحجم -عبر سمن ذايب -تمر للحشو +قرفة - راس مغرف انتاع القهوة كبابة مطحونة+فلفل اسود (باش ما يتعفنش من الداخل اذا طال وقته نصيحة من التراث ) الماء +ماء وهر -لفاني - زيت للقلي -عسل الطريقة - حضري الحشو نقي التمر زيديله شوية قرفة والكبابة وفلف اسود (باش مايتعفنش من داخل )+مغرف زيت و اعجنيه ممكن تفوريه اذا كان قاصح.. - بسي السميد بالسمن بليلة قبل خليه يرتاح باش يشرب المادة الدسمة و يجي مرمل- من بعد حطي ملعقة لافاني رشيه بالماء و ماء الزهر حتى تتحصلي على عجينة عادي تاع المقروط.. ماتعجنيش العجينية كي الي شغل راكي تفتلي في الطعاام حتى تلتم العجينة ..- دايما حربوش وسطه التمر المحضر بواسطة طابع المقرود اضغطي عليه قطعي و سوي الشكل..
-
- لازم الزيت غزير سخنيه و اقلي على نار ماهادية بزاف ما معتدلة شوية ما تقلبيش الحبات خليه يولي ذهبي ..
-تكوني مسخنة العسل و الماء الزهر..
-مباشرة من المقلة للعسل خليه يتشرب مليح ما تنزعيهش من العسل حتى تكوني قليتي الجزء الثاني من الحبات
-كي تجي تقدميه عسليه في عسل مسخن وحدو بدون ماء الزهر اغطسي برك و حطيه في كيسات ..
وغرزي فيها حبة قرنفل ..
-هذي الصورة لما فتحت الحبة بصراااحة ذابت في يدي قبل مانحلها.. 
نصااائح ثمينة للمبتدئات لا تفوتيها 
: 1-السميد متوسط الحجم
2- الزيت غزير في المقلاة
3-ترك المقروضات يطيبو على مهلهم تقريبا 20 دقيقة (نصيحةهاامة في نجاح المقروض)
4- من مقلة للعسل خليه يتشرب مليح ما تنزعيهش من العسل حتى تكوني قليتي الجزء الثاني من الحبات
5-اذا شفت المقروض يتففت غطسي الحبة في الماء وارميها مباشرة في المقلاة ..
الرئيسية 
عدد المساهمات
السمعة
الموقع
