ﺩﻗِّﻴﺖ ﻓﺎﻟﺒﺎﺏ ... ﻗﺎﻟﻮﺍ ﺷﻜﻮﻥ ؟ !؟
ﻗﻠﺖ ... ﺃﻧﺂﻳﺎ !!
ﻗﺎﻟﻮﺍ ... ﺷﻜﻮﻥ ﻧﺘﺎﻳﺎ !!
ﻗﻠﺖ ... ﺑﻮﻟﺤﻴﺔ ﻣﻮﻝ ﺍﻟﻌﺒﺎﻳﺔ !!
ﻓﺘﺤﻮﺍ ﺍﻟﺒﺎﺏ ﻋﻨﺪﻱ ﻟﻴﻜﻢ ﻭﺻﺎﻳﺔ !!...
ﺩﻳﺮﻭ ﺑﺎﻟﻜﻢ ﻣﻌﺎﻳﺎ !!
ﻻ ﻳﻐﺮﻛﻢ ﺯﻳﻦ ﺍﻟﻮﺟﻪ ﻓﺎﻟﻤﺮﺍﻳﺎ !!
ﻟﻲ ﻳﻨﻔﻊ ﻫﻮ ﺯﻳﻦ ﺍﻟﻘﻠﻮﺏ ﻭﺻﻔﺎﺀ ﺍﻟﻨﻮﺍﻳﺎ !!
ﻋﻨﺪﺍﻛﻢ ﺗﻤﺸﻴﻮ ﻓﻬﺎﺩ ﺍﻟﺰﻣﻦ ﺿﺤﺎﻳﺎ !!
ﻳﺪﻭﺭ ﺍﻟﺰﻣﺎﻥ ﻭﺗﻨﺪﻣﻮ ﻭﺗﻮﻟِّﻴﻮ ﺷﻔﺎﻳﺎ !!
ﻳﻀﺤﻚ ﻋﻠﻴﻜﻢ ﻫﺬﺍ ﻭﻫﺬﺍﻙ ﻭﺗﺮﺟﻌﻮ ﻗﺼﺔ
ﻭﺭﻭﺍﻳﺔ !!
ﺍﻟﺮﺟﻠﺔ ﻣﺎﺷﻲ ﻫﻲ ﺍﻟﺘﺪﺧﻴﻦ !!
ﻛﻞ ﺳﺎﻋﺔ ﺗﻌﻤّْﺮ ﺍﻟﻄﻔَّﺎﻳﺔ !!
ﻓﻴﻦ ﻏﺎﺩﻱ ﻳﺎ ﻫﺎﺩ ﺍﻟﺪﺭﻱ ﻓﻴﻦ !!
ﺗﺎﺑﻊ ﺍﻟﺒﻨﺎﺕ ﻫﺎﺩﻱ ﻧﺴﺮﻳﻦ ﻭﻫﺎﺩﻱ ﻣﺎﻳﺎ !!
ﺣﺎﻓﻆ ﮔﺎﻉ ﺍﻷﻏﺎﻧﻲ ﻭﺃﺳﻤﺎﺀ ﺍﻟﻼﻋﺒﻴﻦ !!
ﻭﺍﻟﻌﻘﻞ ﻣﺎ ﻓﻴﻪ ﺣﺘﻰ ﺷﻲ ﺁﻳﺔ !!
ﻭﻧﺘﻲ ﻳﺎ ﺍﻟﺒﻨﺖ ﻳﺎ ﻟﻲ ﻋﺮِّﻳﺘﻲ ﺍﻟﺮﺟﻠﻴﻦ !!
ﺑﻴّْﻨﺘﻲ ﺻﺪﺭﻙ ﻭﺣﺘﻰ ﻧﺘﻲ ﻟﺒﺴﺘﻲ ﺻﺎﻳﺔ !!
ﺑﺎﺵ ﻫﺬﺍ ﻳﻘﻮﻝ ﻟﻴﻚ ﺗﺒﺎﺭﻙ ﺍﻟﻠﻪ ﻋﻠﻰ
ﺍﻟﺰﻳﻦ !!
ﻭﻫﺬﺍﻙ ﻳﻘﻮﻟﻚ ﺍﺟﻲ ﺭﻛﺒﻲ ﺣﺪﺍﻳﺎ !!
ﺧﺮﺟﺘﻲ ﺍﻟﻄﺮﻳﻖ ﻭﺭﺑﺤﺘﻲ ﺳﺨﻂ ﺍﻟﻮﺍﻟﺪﻳﻦ !!
ﺷﻮﻫﺘﻲ ﺑﻴﻨﺎ ﻭﻭﻃﻴﺤﺘﻲ ﺍﻟﺮَّﺍﻳﺔ !!
ﺍﻟﻮﺍﻟﺪﻳﻦ ﻭﺻَّﺎ ﻋﻠﻴﻬﻢ ﺍﻟﺪِّﻳﻦ !!
ﻭﺍﻟﻠﻪ ﻗﺎﻝ ﺭﺍﻩ ﺭﺿﺎﻫﻢ ﻣﻊ ﺭﺿﺎﻳﺎ !!
ﻛﻮﻥ ﺭﻃﺐ ﻣﻊ ﻭﺍﻟﻴﺪﻳﻚ ﻭﺣﻨﻴﻦ !!
ﻭﺍﻻ ﻧﺮﺿﻮ ﺗﻌﺎﻣﻞ ﻣﻌﺎﻫﻢ ﺑﻌﻨﺎﻳﺔ !!
ﺷﻲ ﻧﻬﺎﺭ ﻳﻤﻮﺗﻮ ﻭﻧﺼﺪﻗﻮ ﻧﺎﺩﻣﻴﻦ !!
ﺣﺘﻰ ﻳﻔﻮﺕ ﺍﻟﻔﻮﺕ ﻋﺎﺩ ﻧﻔﻬﻤﻮ ﺍﻟﺤﻜﺎﻳﺔ !!
ﻧﻜﻮﻧﻮ ﺍﻭﻓﻴﺎﺀ ﻭﻧﻜﻮﻧﻮ ﻣﺨﻠﺼﻴﻦ !!
ﻣﺎﺷﻲ ﺑﺤﺎﻝ ﻟﻲ ﻳﻀﺤﻚ ﻓﻮﺟﻬﻲ ﻭﻳﻬﻀﺮ
ﻭﺭﺍﻳﺎ !!
ﻭ ﺇﻻ ﻛﻨﺘﻲ ﻧﺖ ﻭﺷﻲ ﺣﺪ ﻣﺨﺎﺻﻤﻴﻦ !!
ﺧﻠِّﻲ ﺃﺳﺮﺍﺭﻭ ﻋﻨﺪﻙ ﻭﺑﻼ ﻣﺎ ﺩﻳﺮ ﺑﻴﻬﻢ
ﺩِﻋﺎﻳﺔ !!
ﺍﻟﻘﻴﺎﻣﺔ ﻗﺮﺑﺎﺕ ﻭﺣﻨﺎ ﻣﺎﺯﺍﻝ ﻏﺎﻓﻠﻴﻦ !!
ﻛﻠﺸﻲ ﻣﺎﺷﻲ ﻟﺪﻳﻚ ﺍﻟﺪَّﺍﺭ ﺗﺎ ﺣﺪ ﻣﺎﻳﺒﻘﺎ
ﻫﻨﺎﻳﺎ !!
ﺳﺎﻣﺢ ﻭﺻﺎﻓﺢ ﺭﺍﻩ ﻛﻠﻨﺎ ﺭﺍﺣﻠﻴﻦ !!
ﻭﻗﺮﺍ ﻫﺎﺩ ﺍﻟﻮﺻﺎﻳﺎ ﻣﺰﻳﺎﻥ ﻭﺇﻻ ﻣﺎﻓﻬﻤﺘﻴﺶ
ﻋﺎﻭﺩ ﺍﻟﻘﺮﺍﻳﺔ