نصائح هامة باش يجيك طيابك بنين

نصائح هامة :
1: باش يجيك الطياب بنين اوتكون كنتيتي كبير او فيه براكة قبل ما تبداي قولي بسم الله
2:سر الطياب باش يجى بنين هى انك ترابى البصل و تقليه مليح مع اللحم و الطماطم عاد تزيدى الماء الساخن
3: باش البقول الجافة تطيب مليح و بسرعة لا تضبفى الملح و الطماطم الا فى الاخير و ضعى ملعقة فى الكوكوت
4:سر المقروض يجيك يذوب في الفم
امبعد ماتذوبي المارغرين زيدها 4مغارف اكل زيت.رشه زعفران يجيك لونه اصفر شباب.امحريه مليح يدخل السمن في السميد وخليه يبات.وغدوی ثاني زيدي امحريه
5:باش اطيب الحمص او اللوبيا بسرعة في الماء، أضيفي القليل من الخميرة الكيميائية
6:طريقه طيبي العدس في20دقيقه ويجيك بنين يهبل وخاثر
داوي كلشي كيما مالفه(ثوم.بصل.فلفل اسود.كمون.زيت .طماطم مصبره.حبات طماطم مرابيه.فلفل احمر.خليهم يتكتكوا فوق النار 5دقايق .وحطي العدس امبعد مانقيتيه وشللتيه مليح.وامرقي بالماء السخون+مغرف ص خميره الحلوی .واقفلي عليه الكوكوط 20د يكون طاب.ظيفيلي ورقات رند وكسبر اخضر.وجامبوا حسب الذوق
اذا عندك اللحم حطي طرف ثاني يجيك بنين يهبل
جربووووه هايل
7:باش البيض يطيب بلخف زيدي الملح ف الما
8: لو احتجت الى حمص مشمخ ومطانش عندك لكى ان تحصلى عليه وذلك بافراغ كمشه حمص. فى ترموسه مع ماء سخن واضيفى لها كربونات وبعد ساعه تجدينه واجد طريقة سريعة
9:كي طيبي الارز حركيه بالفرشيطة مش بالملعقة باه ميدقدقش الارز ويحافظ على قوام
10:قبل ماترش الطعام بالماء يرطب حطي أولا 2مغارف زيت حكي الطعام مليح ياش يتخلط مليح مع الطعام ثم رشيه عادي وكي يفور كل حبة تجي وحدها
11: اذا طيبتي مرقة و جاتك خفيفة ديري مغرف فرينة و لا مايزينة في شوية ما و زيديهم فالطياب يختار عن تجربة
12: تحبى تجيك القريوش خفيفه وبنينه ضيفى للعجينه مغرف كبيرة نشاء واعجنيها بالحليب نتاع الصاشي
11: كي تتحرق الكيك من فوق نحي الطبقة المحروقة بسكين و دردري سكر قلاصي في بلاصتها و رجعيها للفور رح تتشكل طبقة اخرى لذيذة
12:كي تتحرق الكيك من فوق نحي الطبقة المحروقة بسكين و دردري سكر قلاصي في بلاصتها و رجعيها للفور رح تتشكل طبقة اخرى لذيذة
13: قبل ماتقلي الباطاطا ديري شوي خل في الزيت دوك ماتجيكش مزيتة
14: باش تجي طيابك بنين كل مرقة خصيلها لعقاقر تاوعها مثلا الجاج يحب الزنجبيل الجلبانة تحب القرفة البصل ولكركم وراس حانوت مخلط الوبيا موشطو تحب البصل والقرفة والزيت ولا سمن بزاف الزيتون يحب الرند اللحم والمرقة الحمرا تحب الكمون والثوم والحشايش لحريرة تحب لكرافس وكل وحدة ولمستها
15: كي تخويو بطاطا و القرعة تاع ضولما قبل ما ديرو الحشو اطليوها بالملح ما جيش صامطة
16: باش اجيك الرشتة العاصمية بنينة اسكرفجي حبة لفت مع البصل للتقلية
17 :باش يجيك اللحم المرحي نتاع المتوّم طري زيديلو مغرفة سميد
18: باش ماتروحلكش لافورم نتاع الحلويات خاصة نتاع اللوز خليهم يرتاحو ليلة في البلاطوات قبل الطهي
19: باش يجيك الكايك والمسكوتشو خفيف ديري الياوورت في بلاصة الحليب
20: باش تجي الطبخة بنينة لازم تطيب على نار هادئة و ما تقوعديش غير تزيدي فالماء لأن لبنة تاع الماكلة تروح كامل يعني لازم تجي الماكلة مجمرة
21 :حتى تتحصلو على عجين سهل العجن بلوه بالماء فقط وخلوه يرتاح ومن يعد اعجنوه مليييح رايحين تلاحظو انه العجين ليه ليه تعجن ثم اضيفو الملح وزيدو اعجنو
22: غلي البيض في الماء وشويا خل باه مايتكسرش قشر البيضة و يخرج البياض وهو يغلي
23: للحصول على عجين طايب واحمر اضيفو الحليب غبرة
24: باه تتحصلي على زيتون طري لاستعماله في طاجين الزيتون غلي الزيتون ربع ساعة ومن يعد صفيه و غليه للمرة الثانية مع قليل من الخميرة الكيميائية بشرط يكون لما سخون بزاف وخليه يغلي مدة 20د ومن بعد صفيه وحطيه في ما عادي ليلة كاملة مع اضافة مغرف كبيرة نشا لازالة الملوحة والمرورة منو وغدوا صفيه ويحمص في قليل من الزبدة ويرمى في المرق
25: الزيتون وباه تحافضي على اللون ترقديه من قبل في شوي ماء وفرينة ومن بعد تغليه مع شوي سكر
26 : كي تحطي اللوبيا تتشمخ حطي معاها حبة بطاطا مقشرة هكذا الوبيا ما تضركش و يحكموكش لا غازات و لا وجع و كولي لوبيا كيما تحبي خصوصا اللي عندهم القولون مساكن محرومين منها
27: باش يجيك الدجاج عندو بنة كيما الي عند الطبابخة ديري توابل خاصة للدجاج تشريها من عند العشاب و ماتنسايش الثوم المرحي
28:إذا كان اللحم شارف و محبش اطيب، حطي قلب تمر في الطنجرة (وما تنسيش تنحيه كطيب الاكل
29: لإزالة رواءح الأكل من الفرن و خاصة راءحة السمك، بعد ان تخرجي الطعام من الفرن ضعي نصف ليمونة ستمطس كل الروائح )أكيد بعد إطفاء الفرن
30:اذا بغيتي الروز المفور وعندك غير العادي واش ديري؟؟؟؟؟؟
نقي الروز العادي ورشيه بالزيت وحدوا بلا ماء وفوريه فوره واحده وامبعد لوحيه بالماء سخون مع رشه ملح 10دقايق وقطريه وفوريه الفوره الاخيره ديرولوا الزبده
يجيك فوررررر كل حبه وحدها كيما المفور والبنه احسن منه
31 : حلي عجينة البيتزا دايما بالنشا بدل الفرينة تجي خفيفة
32: قبل ما طيب الزيتون أضيفي له الفرينة واتركيه ليلة كاملة ومن بعد شليه بالماء خدي منه المقدار الذي تحتاجينه والباقي خزنيه في البراد لاستعماله عند الضرورة هذه الطريقة تخليه يحافظ على لونه وتاكلوا بالصحة و الهناء.
33 : باه تكسري لحماضة نتاع صوص طماطم زيدي مغرفة سكر
34:باه تروح ريحة الحوت من الكوزينة ديري في كاسرولة ماء وعود قرفة ونص ليمونة حطيهم على النار يغلو.
نصائح هامة باش يجيك طيابك بنين 3648270965

نصائح هامة باش يجيك طيابك بنين 3648270965

» نصائح هامة للمصابين بارتفاع ضغط الدم
» معلومات مرعبة و هامة ....
» مصطلحات هامة في الحياة
» ست معلومات هامة عن الصحة النفسية
» سبع حقائق هامة لا تغفل عنها